كيلو كباب

فى وسط الصالة الصغيرة وقفت هدى شقيقة سيد .. كانت هدى فى اواخر العشرينات من عمرها .. كانت ترتدى ملابس الخروج وقد اتت من عملها وهى تمسك بعمر ابن سيد وحنان وهو طفل فى العاشرة والذى يقوم بعضها ويحاول الفكاك منها بأى طريقة وبجانبه وقفت حبيبة شقيقته وهى طفلة فى الثامنة من عمرها .. كانت هدى مازالت تهتف بصوت عالى على شقيقها

_ يا سيد .. يا سيد .. سيييييييد

خرجت صفية من غرفتها وفى نفس الوقت خرج سيد واقتربا من هدى

_ فى ايه يا بنتى صوتك عالى كده ليه ؟ ايه اللى حصل لكل ده ؟

هتف سيد فى هدى وهو ينظر لعمر الذى مازال يعضها ويحاول التخلص من قبضتها

_ ما تنطقى يا بت فى ايه ؟؟

_ عمر ابنك .. مسكته بيسرق

بدت شهقة من فم صفية متفاجئة بما تقوله هدى التى اكملت وهى مازالت متشبثة بيد عمر لا تفلتها

_موقف اخته تراقبله الجو .. وواقف هو بيسرق بسكوتوشكولاته م الكشك اللى ع الناصية

اندفعت حنان من الغرفة وكأنها ثور هائج وهى تمسك فى يدها الشبشب وبدأت فى ضرب عمر بقسوة .. افلتته هدى من يدها لتتركه لأمه تؤدبه

_بتسرق يا ابن الجزمة .. عايز اخره صبرى يطلعلى عيل حرامى

وقفت صفية امام حنان وهى تحاول حمايه عمر من بين يديها

_ خلاص بقى يا حنان .. ده عيل صغير ومش فاهم

هتفت حنان

_ مش فاهم وموقف اخته ناضورجيه تراقبله الجو وهو بيسرق ؟ .. اومال لما يفهم هيعمل ايه  ؟ ..

عادت لتضرب ابنها بقسوة

_ ده انا هاقطع من جتتك نساير نساير

وقف سيد ينظر الى حنان بإستغراب فها هى من جاءت له منذ دقائق سعيدة بنجاحها فى سرقة بعض

الملابس من أحد المحلات تؤدب ابنها على سرقته لأحد الاكشاك .. هتفت صفية فى حنان لتوقفها عن ضرب عمر الذى كان يبكى ويحاول الاحتماء فيها

_خلاص بقى يا حنان .. الواد هيموت فى ايدك .. هو مش هيعمل كده تانى

استخلصت صفية عمر من يد أمه واخذته امامها الى المطبخ لتداريه عن حنان التى كانت تحاول اللحاق به بيدها وتبعتها هدى .. وقفت حنان وهى تلتقط انفاسها .. وقف سيد ينظر الى حنان باستغراب دون ان ينطق بكلمة .. لاحظت حنان نظراته لها فهتفت فيه مستنكرة

_ايه يا سيد بتبصلى كده ليه ؟؟ انت عايز الواد يطلع بايظ ولا ايه ؟؟

تركته ودخلت الى غرفتها ووقف سيد مكانه وهو مازال ينظر امامه باستغراب

داخل حلة صغيرة على النار وقفت صفية امامها وقد وضعت فيها اجنحة الدجاج الذى يتم طهيه .. كانت صفية  تقف امام البوتجاز وبالقرب منها كان يقف عمر وحبيبه .. نظر لها عمر متسائلا

_ هى يا ستى الفراخ اللى  بناكل جناحتها دى بتروح فين ؟؟

صفية تنظر اليه وتهز رأسها وتبتسم ..

_ بتروح لناس تانيه تاكلها

_ طب وانتوا مبتجيبوهاش ليه ؟

_ كل واحد على قد ظروفه يا حبيبى

ينظر لها عمر بعدم اقتناع .. لم يكن عقل هذا الطفل الصغير يستوعب ما هو سبب ان هناك من يأكل ما لا يستطيع هو أن يأكله . يدخل سيد الى المطبخ ويقترب من امه ويقرب انفه ليشم ما على البوتجاز

_خلصتى يامه ؟

_لا لسه

_ طب انا نازل خمسه وجاى

_ رايح فين ؟

_ هاروح لحوكة

تنظر له صفية بضيق

_ وانت عايز حوكه فى ايه ؟

يرد عليها سيد بسخرية

_ عايزه يحكلى ضهرى .. هاكون عايزه فى ايه يامه  .. هاروح اجيب منه شويه اكل للكلب الغلبان ده ..  بدل ما يفيص منى .. ده كلب جيرمن يامه .. المانى مش مصري.. بقاله شهرين معايا حاسس انه بقى صومالى من قلة الاكل .. ده روح يامه وهنتحاسب عليه

تنظر له وقد فهمت ما يرمي اليه

_ وطبعا عايز فلوس

_ عليكى نور

_ هو انا عليا نور بس .. ده نور وغاز وميه واكل وشرب .. وانت حاطط ايديك فى الميه الباردة

سيد وهو يتجه للخروج من المطبخ هاتفا بضيق

_ خلاص يامه هو انا كل ما اكلمك فى حاجه هتقعدى تقطمى فيا .. مش عايز حاجه

صفية تخرج  مائه جنيه وتمد يدها بهم لسيد

_ مفيش الا حوكة ده اللى تالف املك .. ما هو فى  ناس كده عامله زى القرش الحرام لو استغنيت عنها ربنا هيفتحها فى وشك

سيد يخرج من المطبخ وصفية تهز رأسها بأسف وهى تقلب الاكل بعصبية

_ربنا يهديك يا سيد ويكفيك شر نفسك

يضحك عمر

_ انتى بتقولى ايه يا ستى .. يكفيه شر نفسه ازاى ؟.. المفروض تقولي ربنا يكفيه شر الشيطان

_ اه يا حبيبى ما هو شيطان النفس سمه اقوي

سيد يخرج من باب الشقه متجها لباب السطح بخطوات سريعة .. يظهر صوت هدى تنادى على سيد

_ رايح فين يا سيد ؟

سيد دون ان يلتفت لها

_ هاجيب حاجه وجاى

سيد يخرج من باب السطح .. تظهر هدى وهى تقف جانب الكلب وهى تضع له الماء فى ( قصعة محارة قديمة ) امامه ليشرب .. الكلب يشرب ثم يقترب من هدى ليتشممها .. هدى تبتعد قليلا حتى لا يمسها ..

_ اوعي يا اخي انا متوضية

تنظر الى احد جوانب السطح تجد حبيبة تجلس وهى تمسك ( نبله ) تقوم باصلاحها .. تقترب منها مبتسمه

_ بتعملى ايه يا حبيبة

ببراءة دون ان ترفع عينيها عما تفعله

_ باصلح النبلة القديمه بتاعه بابا

هدى تداعب شعر حبيبة مبتسمة

_ والله يا بت انتى جدعه وغير الواد اخوكى ده خالص .. ان شاء الله تكبرى وتبقى مهندسة كبيرة .. بس اشمعنى النبلة اللى بتصلحيها؟؟

فى وسط الصالة الصغيرة وقفت هدى شقيقة سيد .. كانت هدى فى اواخر العشرينات من عمرها .. كانت ترتدى ملابس الخروج وقد اتت من عملها وهى تمسك بعمر ابن سيد وحنان وهو طفل فى العاشرة والذى يقوم بعضها ويحاول الفكاك منها بأى طريقة وبجانبه وقفت حبيبة شقيقته وهى طفلة فى الثامنة من عمرها .. كانت هدى مازالت تهتف بصوت عالى على شقيقها _ يا سيد .. يا سيد .. سيييييييد خرجت صفية من غرفتها وفى نفس الوقت خرج سيد واقتربا من هدى _ فى ايه يا بنتى صوتك عالى كده ليه ؟ ايه اللى حصل لكل ده ؟ هتف سيد فى هدى وهو ينظر لعمر الذى مازال يعضها ويحاول التخلص من قبضتها _ ما تنطقى يا بت فى ايه ؟؟ _ عمر ابنك .. مسكته بيسرق بدت شهقة من فم صفية متفاجئة بما تقوله هدى التى اكملت وهى مازالت متشبثة بيد عمر لا تفلتها _موقف اخته تراقبله الجو .. وواقف هو بيسرق بسكوتوشكولاته م الكشك اللى ع الناصية اندفعت حنان من الغرفة وكأنها ثور هائج وهى تمسك فى يدها الشبشب وبدأت فى ضرب عمر بقسوة .. افلتته هدى من يدها لتتركه لأمه تؤدبه _بتسرق يا ابن الجزمة .. عايز اخره صبرى يطلعلى عيل حرامى وقفت صفية امام حنان وهى تحاول حمايه عمر من بين يديها _ خلاص بقى يا حنان .. ده عيل صغير ومش فاهم هتفت حنان _ مش فاهم وموقف اخته ناضورجيه تراقبله الجو وهو بيسرق ؟ .. اومال لما يفهم هيعمل ايه  ؟ .. عادت لتضرب ابنها بقسوة _ ده انا هاقطع من جتتك نساير نساير وقف سيد ينظر الى حنان بإستغراب فها هى من جاءت له منذ دقائق سعيدة بنجاحها فى سرقة بعض الملابس من أحد المحلات تؤدب ابنها على سرقته لأحد الاكشاك .. هتفت صفية فى حنان لتوقفها عن ضرب عمر الذى كان يبكى ويحاول الاحتماء فيها _خلاص بقى يا حنان .. الواد هيموت فى ايدك .. هو مش هيعمل كده تانى استخلصت صفية عمر من يد أمه واخذته امامها الى المطبخ لتداريه عن حنان التى كانت تحاول اللحاق به بيدها وتبعتها هدى .. وقفت حنان وهى تلتقط انفاسها .. وقف سيد ينظر الى حنان باستغراب دون ان ينطق بكلمة .. لاحظت حنان نظراته لها فهتفت فيه مستنكرة _ايه يا سيد بتبصلى كده ليه ؟؟ انت عايز الواد يطلع بايظ ولا ايه ؟؟ تركته ودخلت الى غرفتها ووقف سيد مكانه وهو مازال ينظر امامه باستغراب داخل حلة صغيرة على النار وقفت صفية امامها وقد وضعت فيها اجنحة الدجاج الذى يتم طهيه .. كانت صفية  تقف امام البوتجاز وبالقرب منها كان يقف عمر وحبيبه .. نظر لها عمر متسائلا _ هى يا ستى الفراخ اللى  بناكل جناحتها دى بتروح فين ؟؟ صفية تنظر اليه وتهز رأسها وتبتسم .. _ بتروح لناس تانيه تاكلها _ طب وانتوا مبتجيبوهاش ليه ؟ _ كل واحد على قد ظروفه يا حبيبى ينظر لها عمر بعدم اقتناع .. لم يكن عقل هذا الطفل الصغير يستوعب ما هو سبب ان هناك من يأكل ما لا يستطيع هو أن يأكله . يدخل سيد الى المطبخ ويقترب من امه ويقرب انفه ليشم ما على البوتجاز _خلصتى يامه ؟ _لا لسه _ طب انا نازل خمسه وجاى _ رايح فين ؟ _ هاروح لحوكة تنظر له صفية بضيق _ وانت عايز حوكه فى ايه ؟ يرد عليها سيد بسخرية _ عايزه يحكلى ضهرى .. هاكون عايزه فى ايه يامه  .. هاروح اجيب منه شويه اكل للكلب الغلبان ده ..  بدل ما يفيص منى .. ده كلب جيرمن يامه .. المانى مش مصري.. بقاله شهرين معايا حاسس انه بقى صومالى من قلة الاكل .. ده روح يامه وهنتحاسب عليه تنظر له وقد فهمت ما يرمي اليه _ وطبعا عايز فلوس _ عليكى نور _ هو انا عليا نور بس .. ده نور وغاز وميه واكل وشرب .. وانت حاطط ايديك فى الميه الباردة سيد وهو يتجه للخروج من المطبخ هاتفا بضيق _ خلاص يامه هو انا كل ما اكلمك فى حاجه هتقعدى تقطمى فيا .. مش عايز حاجه صفية تخرج  مائه جنيه وتمد يدها بهم لسيد _ مفيش الا حوكة ده اللى تالف املك .. ما هو فى  ناس كده عامله زى القرش الحرام لو استغنيت عنها ربنا هيفتحها فى وشك سيد يخرج من المطبخ وصفية تهز رأسها بأسف وهى تقلب الاكل بعصبية _ربنا يهديك يا سيد ويكفيك شر نفسك يضحك عمر _ انتى بتقولى ايه يا ستى .. يكفيه شر نفسه ازاى ؟.. المفروض تقولي ربنا يكفيه شر الشيطان _ اه يا حبيبى ما هو شيطان النفس سمه اقوي سيد يخرج من باب الشقه متجها لباب السطح بخطوات سريعة .. يظهر صوت هدى تنادى على سيد _ رايح فين يا سيد ؟ سيد دون ان يلتفت لها _ هاجيب حاجه وجاى سيد يخرج من باب السطح .. تظهر هدى وهى تقف جانب الكلب وهى تضع له الماء فى ( قصعة محارة قديمة ) امامه ليشرب .. الكلب يشرب ثم يقترب من هدى ليتشممها .. هدى تبتعد قليلا حتى لا يمسها .. _ اوعي يا اخي انا متوضية تنظر الى احد جوانب السطح تجد حبيبة تجلس وهى تمسك ( نبله ) تقوم باصلاحها .. تقترب منها مبتسمه _ بتعملى ايه يا حبيبة ببراءة دون ان ترفع عينيها عما تفعله _ باصلح النبلة القديمه بتاعه بابا هدى تداعب شعر حبيبة مبتسمة _ والله يا بت انتى جدعه وغير الواد اخوكى ده خالص .. ان شاء الله تكبرى وتبقى مهندسة كبيرة .. بس اشمعنى النبلة اللى بتصلحيها؟؟