كيلو كباب

_ اصل كل يوم باطلع اضرب الحمام اللى عند الاسطى حوكة ف الغيه عشان اصطادهم زى ما بابا قاللى

هدى تنظر لحبيبة مصدومة

_ الله يخرب بيتك يا سيد

في غرفه صغيرة اعلى السطح تبدو مغلقه والدخان يملئها .. يجلس حوكه وهو رجل فى اواخر الثلاثين وامامه يجلس حمادة الشجيع وهو شاب نحيل والى جواره شامى وهو شاب قوى البنية بشكل واضح وبينهم ( جوزة صغيرة ) يبادولنها بينهم بالتناوب ( يغنون اغنية قديمة سويا وهم يتمايلون بسعادة ) ينتهون من الغناء

_ هو سيد مجاش ليه  ؟

يرد جوكه

_ زمانه جاى .. هو ليه ملجأ غير هنا

يضحك حماادة الشجيع بصوت يشبه الفحيج

_ باشوفه من السطح عندى طول النهار قاعد جنب  الكلبه اللى شاريها جديد .. فاكر ان كل اللى محققوش فى حياته الكلبه دى هتحققهوله

يدخل سيد الى الغرفه فجأة هاتفا

_ صباحو دخان

حوكه متفاجئا

_ ابن حلال والله كنا لسه جايبين فى سيرتك

سيد يجلس الى جانب حوكه وهو يضحك وينظر الى حمادة الذى ينظر بعيدا

_طب والنبى ابقوا اتكلموا فى وشى عشان ضهرى بيوجعنى

حوكه هاتفا

_ ماعاش اللى يتكلم فى ضهرك يا صاحبى .. باقولك ايه جرب الجديد ده وقوللى رايك

حوكه يمد الجوزه لسيد الذى يشرب منها

_ اصلى .. الصباع منه بكام ؟

يشير حوكه بكفه مفتوحه

_ 500 جنية

سيد يخرج المال من جيبه ويعطيه لحوكه

_ طب خد ال100 دى وهات ضوفر

_ ليه هو انت فاكره مضروب

_ أه بس كده الصباع اغلي من كيلو لحمة

يضحك حمادة الشجيع مرة اخري ضحكته القميئة

_ خلاص يا سيد ابقى روح عند الجزار خدلك حتتين  لحمه واصطبح بيهم

يضحك سيد وهو ينظر له باستهتار

_ الا قوللى ياض يا حمادة هما سموك حمادة الشجيع ليه ؟؟

يرد حمادة

الشجيع ببعض الغضب

_عشان قلبى ميت

سيد ضاحكا

_ اومال مراتك طلقتك ليه ؟ واضح ان مش قلبه بس اللى ميت

سيد وحوكة يضحكان .. شامى يضحك وهو يدارى ضحكته وحمادة ينظر له بغيظ

_ طلقتنى زى ما طلقت اللى قبلى وهتطلق اللى بعدى ..  ما هى عامله زى الدنيا .. تاخد خيرك وتدور على غيرك .. وبعد ما كانت بتتمنى رضاك ترميك

يرد شامي شامتا

_مفيش حاجه بتترمى الا اما بتفضى يا شجيع

حمادة يهم على شامى وكأنه سيضربه

_مين ده اللى فضى يا شامى ؟

حوكة يفصل بينهما

_فى ايه يا رجاله ما تحترموا القعده اللى انتوا قاعدينها .. هتمسكوا فى بعض عشان واحدة

حمادة بغضب

_ الواحدة دى كانت مراتى يا حوكه

شامى بتحدي

_ وهتبقى مراتى

سيد ساخرا

_طيب يا عم انت وهو زعلانين ليه .. ده انتوا المفروض تفرحوا ان بقى بينكم شئ مشترك

يخرج سيد وحوكة ويقفان امام غرفة حوكة امام الغرفة تتراص اقفاص الحمام المليئة بانواع كثيرة من الحمام من انواع واشكال مختلفة ..حوكة يبدو عليه الغيظ وهو يتابع اقفاص الحمام الخالية

_انا لو اعرف بس مين ابن الكلب اللى بيحاول يصطاد الحمام بالنبله .. كنت اقرقش عضمه

سيد يهز رأسه بأسف

_ ولاد الحرام كتير يا صاحبي

سيد يخرج من جيبه المائة جنيه ويمد يده بهما الى حوكة

_امسك يا عم حوكة .. دول 100 جنيه

حوكة ينظر الى النقود فى يد سيد ثم ينظر له متسائلا

_دول عشان اكل الكلب  ؟

_ لا كلب ايه .. دول عشان اللى بالى بالك

_طب والكلب ؟ ده انت مخدتلوش اكل من ساعه ما جبته غير مرة واحدة .. ما انت طول ما انت مبتأكلوش كده مش هتكسب من وراه .. مش هيبقى فيه حيل

_يا عم انا اولى م الكلب دلوقت .. خد الفلوس وهاتلى الحاجه .. والكلب بقى ربنا يتولاه .. ربك مبينساش حد

حوكة يأخذ النقود وهو يهز رأسه مؤكدا

_ اللهم قوى ايمانك يا شيخ

صفية تقف وهى تطبخ الطعام والى جوارها تقف هدى .. هدى يبدو على وجهها الغضب وتنظر لامها هاتفه

_لا بس سيد غلطان .. الحديث بيقول كلكم مسؤل عن رعيته .. محدش يقول ان امه هى اللى تبقى مسؤلة

_اخوكى غلبان نفسه يعمل حاجات كتير بس مش عارف يعمل حاجه

_ اه زى ما راح اشترى كلب بكل اللى معاه .. وافتكر كده انه عامل مشروع وهيكسب منه دهب

_خلاص بقى والنبى ما تقولى حاجه ادامه لما يجى  كفايه اللى انا قولتهوله .. ده مهما كان راجل والكلام ده هيحز فى نفسيته ويتعبه

_هو ابنك ده بيحز فى نفسيته حاجه .. ده جبله

صفية تنظر لهدى بغضب

_عيب يا بت متقوليش على اخوكى كده

_ يا ماما انا صعبان عليا اللى هو فيه .. قاعد طول اليوم فى البيت وانا وانتى ومراته اللى بنصرف ع البيت

صفية تبتعد عن البوتجاز الى الجانب الاخر من المطبخ وتبدو غاضبه

_ اصل كل يوم باطلع اضرب الحمام اللى عند الاسطى حوكة ف الغيه عشان اصطادهم زى ما بابا قاللى هدى تنظر لحبيبة مصدومة _ الله يخرب بيتك يا سيد في غرفه صغيرة اعلى السطح تبدو مغلقه والدخان يملئها .. يجلس حوكه وهو رجل فى اواخر الثلاثين وامامه يجلس حمادة الشجيع وهو شاب نحيل والى جواره شامى وهو شاب قوى البنية بشكل واضح وبينهم ( جوزة صغيرة ) يبادولنها بينهم بالتناوب ( يغنون اغنية قديمة سويا وهم يتمايلون بسعادة ) ينتهون من الغناء _ هو سيد مجاش ليه  ؟ يرد جوكه _ زمانه جاى .. هو ليه ملجأ غير هنا يضحك حماادة الشجيع بصوت يشبه الفحيج _ باشوفه من السطح عندى طول النهار قاعد جنب  الكلبه اللى شاريها جديد .. فاكر ان كل اللى محققوش فى حياته الكلبه دى هتحققهوله يدخل سيد الى الغرفه فجأة هاتفا _ صباحو دخان حوكه متفاجئا _ ابن حلال والله كنا لسه جايبين فى سيرتك سيد يجلس الى جانب حوكه وهو يضحك وينظر الى حمادة الذى ينظر بعيدا _طب والنبى ابقوا اتكلموا فى وشى عشان ضهرى بيوجعنى حوكه هاتفا _ ماعاش اللى يتكلم فى ضهرك يا صاحبى .. باقولك ايه جرب الجديد ده وقوللى رايك حوكه يمد الجوزه لسيد الذى يشرب منها _ اصلى .. الصباع منه بكام ؟ يشير حوكه بكفه مفتوحه _ 500 جنية سيد يخرج المال من جيبه ويعطيه لحوكه _ طب خد ال100 دى وهات ضوفر _ ليه هو انت فاكره مضروب _ أه بس كده الصباع اغلي من كيلو لحمة يضحك حمادة الشجيع مرة اخري ضحكته القميئة _ خلاص يا سيد ابقى روح عند الجزار خدلك حتتين  لحمه واصطبح بيهم يضحك سيد وهو ينظر له باستهتار _ الا قوللى ياض يا حمادة هما سموك حمادة الشجيع ليه ؟؟ يرد حمادة الشجيع ببعض الغضب _عشان قلبى ميت سيد ضاحكا _ اومال مراتك طلقتك ليه ؟ واضح ان مش قلبه بس اللى ميت سيد وحوكة يضحكان .. شامى يضحك وهو يدارى ضحكته وحمادة ينظر له بغيظ _ طلقتنى زى ما طلقت اللى قبلى وهتطلق اللى بعدى ..  ما هى عامله زى الدنيا .. تاخد خيرك وتدور على غيرك .. وبعد ما كانت بتتمنى رضاك ترميك يرد شامي شامتا _مفيش حاجه بتترمى الا اما بتفضى يا شجيع حمادة يهم على شامى وكأنه سيضربه _مين ده اللى فضى يا شامى ؟ حوكة يفصل بينهما _فى ايه يا رجاله ما تحترموا القعده اللى انتوا قاعدينها .. هتمسكوا فى بعض عشان واحدة حمادة بغضب _ الواحدة دى كانت مراتى يا حوكه شامى بتحدي _ وهتبقى مراتى سيد ساخرا _طيب يا عم انت وهو زعلانين ليه .. ده انتوا المفروض تفرحوا ان بقى بينكم شئ مشترك يخرج سيد وحوكة ويقفان امام غرفة حوكة امام الغرفة تتراص اقفاص الحمام المليئة بانواع كثيرة من الحمام من انواع واشكال مختلفة ..حوكة يبدو عليه الغيظ وهو يتابع اقفاص الحمام الخالية _انا لو اعرف بس مين ابن الكلب اللى بيحاول يصطاد الحمام بالنبله .. كنت اقرقش عضمه سيد يهز رأسه بأسف _ ولاد الحرام كتير يا صاحبي سيد يخرج من جيبه المائة جنيه ويمد يده بهما الى حوكة _امسك يا عم حوكة .. دول 100 جنيه حوكة ينظر الى النقود فى يد سيد ثم ينظر له متسائلا _دول عشان اكل الكلب  ؟ _ لا كلب ايه .. دول عشان اللى بالى بالك _طب والكلب ؟ ده انت مخدتلوش اكل من ساعه ما جبته غير مرة واحدة .. ما انت طول ما انت مبتأكلوش كده مش هتكسب من وراه .. مش هيبقى فيه حيل _يا عم انا اولى م الكلب دلوقت .. خد الفلوس وهاتلى الحاجه .. والكلب بقى ربنا يتولاه .. ربك مبينساش حد حوكة يأخذ النقود وهو يهز رأسه مؤكدا _ اللهم قوى ايمانك يا شيخ صفية تقف وهى تطبخ الطعام والى جوارها تقف هدى .. هدى يبدو على وجهها الغضب وتنظر لامها هاتفه _لا بس سيد غلطان .. الحديث بيقول كلكم مسؤل عن رعيته .. محدش يقول ان امه هى اللى تبقى مسؤلة _اخوكى غلبان نفسه يعمل حاجات كتير بس مش عارف يعمل حاجه _ اه زى ما راح اشترى كلب بكل اللى معاه .. وافتكر كده انه عامل مشروع وهيكسب منه دهب _خلاص بقى والنبى ما تقولى حاجه ادامه لما يجى  كفايه اللى انا قولتهوله .. ده مهما كان راجل والكلام ده هيحز فى نفسيته ويتعبه _هو ابنك ده بيحز فى نفسيته حاجه .. ده جبله صفية تنظر لهدى بغضب _عيب يا بت متقوليش على اخوكى كده _ يا ماما انا صعبان عليا اللى هو فيه .. قاعد طول اليوم فى البيت وانا وانتى ومراته اللى بنصرف ع البيت صفية تبتعد عن البوتجاز الى الجانب الاخر من المطبخ وتبدو غاضبه